Орталық балалар кітапханасының қызметкерлері «Әлем балалар әдебиеті» сериясымен шыққан кітаптарға «Таңғажайып кітап әлемінде» атты көрме-шолу өткізді. Кітапханашы Е.А.Қасенова оқу залында ұйымдастырылған «Әлем балалар әдебиеті» сериясымен шыққан кітаптарға шолу жасады.
Әлемдік әдебиеттің жанрлары алуан түрлі. 2005 жылы Алматы қаласының «Балауса» баспасында «Әлем балалар әдебиеті» сериясынан 50 том кітап жарық көрді. Оған әлемге әйгілі қазақстандық және шетелдік авторлардың кітаптары енген. Атап айтқанда: «Қазақ ертегілері», Г.. Андерсен, Гринвуд Джеймс, Марк Твен ертегілері, Жюль Верн, Даниэль Дефо, Джек Лондонның романдары, Уолтер Скоттың шығармалары.
Шара соңында жас оқырмандар «Балақай және шатырда тұратын Карлсон» мультфильмін тамашалады.