Балалар оқу орталығы Екібастұз қаласының кітапханаларына балаларды және жасөспірімдерді тарту бойынша жұмыстарды ұйымдастыруда жетекші рөл атқарады.
Кітапхана жаңа жиһазбен, компьютерлік техникамен толық жабдықталған және балалардың оқуы мен бос уақытын өткізу орталығы болып табылады.
Ағымдағы жылы «Кітапхана жаңа форматта» жобасын іске асыру шеңберінде Орталық балалар кітапханасы кітапхана кеңістігін коворкинг – орталығына айналдыру арқылы өз қызметін жаңартты. Кітапхананың бір бөлмесі мектеп жасына дейінгі балалар үшін ойын бөлмесі болып безендірілген. Бұл бөлмеде балаларға үстел үсті ойындары мен дамыту ойындары және т.б. ұсынылған.
«Медиатека» бөлмесі оқу залына көшірілген, мұнда балаларға 5 компьютер мен тегін «WI – FI» аймағын пайдалану мүмкіндігі бар.
Аталған кітапхана жанынан құрылған қызығушылық клубтары жақсы жолға қойылған: Олар: «Отбасылық кафе» отбасылық оқу клубы, «Дыбысты кітаптар» дауыстап оқу клубы, «Білімпаз» интеллектуалды клубы, «Гном атаның ертегілері» қуыршақтар үйірмесі.