Балалар оқу орталығының қызметкерлері «Екібастұз қаласының өмірлік қиын жағдайдағы балаларды қолдау орталығы» КММ тәрбиеленушілерінің қатысуымен «Мамандықтар әлемі» тақырыбында квест-ойын ұйымдастырды. Ойынға «Дауыл» және «Құйын» атауымен екі команда қатысты. Балалар мамандықтар туралы мақал-мәтелдер айтып жарысып, «Барлық жұмыс керемет, талғамыңызға қарай таңдай біл» атты викторинаға белсене қатысты. Шара «Мамандықтар әлемі» атты кітап көрмені тамашалаумен аяқталды.

Қарашаның екінші дүйсенбісі – жетімдер күні. Осы тұста балалар оқу орталығында башқұрт жазушысы Айгиз Баймұхаметовтің «Тастамашы, ана!» атты кітабына шолу шарасы болып өтті. Шараға №10 ЖОМ 6-сынып оқушылары қатысты. Шара барысында кітапханашы осы күнің тарихы жайында қысқаша ақпарат беріп өтті. Одан әрі башқұрт жазушысы Айгиз Баймұхаметовтің өмірбаяны мен шығармашылығына тоқталып, жазушының «Тастамашы, ана!» кітабының мазмұны […]