«Білімпаз» клубы аясында балалар оқу орталығының қызметкерлері «Екібастұз қаласының өмірлік қиын жағдайдағы балаларды қолдау орталығы» КММ тәрбиеленушілерінің қатысуымен түрік балалар жазушысы Нұр Домбайджидің «Шатақ қыздың шатпақ күнделігі» атты кітабы бойынша әдеби сапар шарасын өткізді.
Шара барысында кітапханашы түрік жазушысы Нұр Домбайджидің өмірбаянына тоқталып, балаларды кітапхана қорына тиесілі тақырыпқа сай жасақталған жазушының кітаптарымен таныстырды. Шараға арнайы кітап көрме ұйымдастырылды. Одан әрі жас оқырмандар жазушының «Шатақ қыздың шатпақ күнделігі» кітабының мазмұны мен кейіпкерлері жайлы сөз қозғап, шығармадан алған әсерлерімен бөлісіп, ойларын ортаға салды. Шара соңында кітапханашы аталмыш автордың басқада кітаптарын оқуға кеңес берді.