«Дауысты кітап» клубының аясында балалар оқу орталығының қызметкерлері №16 балабақша тәрбиеленушілерінің қатысуымен дауыстап оқу шарасын өткізді. Кітапханада «Ертегілер елінде» атты түрлі-түсті кітап көрме ұйымдастырылды. Шара барысында «Бөпеңе оқып бер» сериясымен шыққан «Қаңбақ шал» атты ертегісі оқылды. Одан әрі балалармен ертегідегі кейіпкерлер, сонымен қатар Қаңбақ шалдың қиындықтарды қалай жеңіп шыққаны жайында айтылды. Кітапханашылар қиял-ғажайып ертегі арқылы балалардың қиялын дамытып, адамгершілік, достық, батылдық сияқты құндылықтарға баулып, ертегіден пайдалы нәрселерді бойына сіңіреді деген сенімде.