Балалар кітабы апталығының жабылуына орай балалар оқу орталығының қызметкерлері павлодарлық ақын Л.Н. Бевздің шығармашылығына арналған «Мелодии моей души» тақырыбында әдеби сағат өткізді. Аталмыш іс-шараға №1 лицей-мектебінің 5«А» сынып оқушылары қатысты.
Іс-шара басында кітапханашы балаларды Халықаралық балалар кітабы күнімен құттықтап, мерекенің шығу тарихы туралы қысқаша тоқталып өтті.
Одан әрі оқушылар ақынның өмірбаянымен және шығармашылығымен танысты. Оқушылар Ищукина Сабина, Зверева Ульяна, Сейсембай Аружан, Жингулова Далида, Қалел Алихан, Әкімжан Дариға ақынның «Благодарность Павлодару», «Цветные сказки», «Счет до пяти», «Счёт от 6 до 9», «Школа для зверей», «Родина» және т.б. өлеңдерін жатқа оқыды.
Сондай-ақ кітапханашы оқушыларды автордың «Учу казахский язык», «О детях и детям», «Книжка детишкам», «Веселые-веселые превращения буквы «А», «Путешествие Досика во времени» атты кітаптарымен таныстырды. Іс-шара соңында Л.Н. Бевз өлеңдерін жатқа оқыған оқушылар дипломдармен марапатталды.