Сәлем беру мәдениеті қазақ даласында бағзы заманнан бері қалыптасып, қанға сіңді. «Сәлем – сөздің анасы» деп бекер айтпаса керек. Сондықтан Халықаралық сәлемдесу күні бізге де жат емес. Осы күнге орай «Білімпаз» клубы аясында орталық балалар кітапханасының қызметкерлері «Үміт» балалар үйі тәрбиеленушілерінің қатысуымен «Сәлем балақай, мен сенің тәтеңмін!» атты конкурстық бағдарлама өткізді.
Шара барысында мерекенің тарихын, әртүрлі елдің сәлемдесу ерекшеліктерін, сәлемдесу ережелерін тілге тиек етті. Жыр шумақтары оқылды.
Сондай-ақ балалар «Сәлем», «Пойыз», «Би арқылы амандасу» ойындарына белсене қатысты. Шара соңында балаларға смайликтер таратылды, смайликтер арқылы балалар бейтаныс адамдарға сәлем жолдап, жылы лебіздерін білдірді.
Әрқашанда сәлеміміз түзу болсын!