Балалар кітабы апталығының ашылуына орай балалар оқу орталығының қызметкерлері дат ертегішісі Г.Х. Андерсеннің 220 жылдығына арналған «Ах, Андерсен! Мой сказочник любимый!» атты іс-шара ұйымдастырды.
Іс-шара театрландырылған қойылымы түрінде өтті. Кітапханашылар Гарри Поттер мен Пачкули мыстанның костюмін киіп, балаларға көтеріңкі көңіл-күй сыйлады. Сонымен қатар, балалардың сүйікті ертегілері бойынша сұрақ-жауап ойынын өткізді. Ойын барысында жеңіске жеткен қатысушыларға тәтті сыйлықтар таратылды. Шара соңында балалар «Ұсқынсыз үйрек» мультфильмін тамашалады. Аталмыш шара балаларға жақсы көңіл-күй сыйлап, жағымды әсер қалдырды.