Кітапханашы Қалмұқан Исабаевтың өмірі мен шығармашылығы жайлы таныстырып, ұлттық рух пен тарихи сана қалыптастыру мақсатында жазушының ерлігі мен, елі, өзі туған Павлодар облысы үшін атқарған зор еңбегін тілге тиек етті. Іс-шара барысында Қ.Исабаевтың көзі тірі кезіндегі сұхбаттан үзінді көрсетілді. Одан әрі лицей оқушылары Айтмұқамбет Асанәлі, Алмасхан Ерасыл, Қайыргелді Нұрислам Қалмұқан Исабаевтың «Шоң би» трилогиясынан үзінділер оқыса, тарих пәнінің ұстазы Каржасбаев Тимур Кайроллаұлы батырдың елге сіңірген еңбегі мен Ұлы Отан соғысындағы асқан ерліктерін атап айтты. Шара соңында «Ұлы ерлік – ұрпаққа үлгі» атты кітап көрмемен таныстырып, көрмеге шолу жүргізді.