«Дауысты кітап» клубы аясында орталық балалар кітапханасының қызметкерлері №9 балабақша бүлдіршіндеріне «Балалардың досы Балдырған» тақырыбында дауыстап оқу шарасын өткізді.
Аталмыш шара бүлдіршіндерді мұқият тыңдауға үйрету, олардың кітапқа деген қызығушылығын ояту мақсатында ұйымдастырылды.
Шара барысында кітапханашы бүлдіршіндерді «Балдырған» журналының шығу тарихымен, басылымның айдарымен таныстырып өтті.
Сонан соң журналдың ішінен қысқаша ертегілерді, әңгімелерді, оқып берді. Балалар журнал беттерін парақтап «Жаңылтпаштар», «Хайуанаттар бағында», «Келіңдер, ән шырқайық!», «Балдырғанның» сурет галереясы», «Ислам атаның ізгілік сабағы», «Әлем халықтары ертегілерінен», «Бастау», «Өзің жасап ал» атты айдарлары бар екенін білді.
Шара соңы тақырыпқа сай дайындалған кітап көрмені тамашалаумен аяқталды. Бүлдіршіндер «Космос», «Саяхатшы жолбарыс», «Алуан түрлі көлік бар», «Пиноккио», «Орман үні» кітаптардың бетін ашып, таңқалыстарын жасырмады.