Орталық балалар кітапханасында «Білімпаздар шайқасы» атты интеллектуалды ойын болып өтті. Балалардың білімдерін жинақтап, тереңдету, қызығушылықтарын арттыру, шапшаңдыққа баулу, белсенділіктерін арттыру. Топпен жұмыс істей отырып, өзгенің пікірін құрметтеуге, ұйымшылдыққа баулу мақсатында ұйымдастырылған шараға халыққа әлеуметтік қызмет көрсету орталығының мүмкіндігі шектеулі балалары мен әлеуметтік қызметкерлер қатысты.
Командалық ойын бес кезеңнен тұрды: «Миды шынықтыру», «Әзіл-сықақ сезімін тексеру», «Санды тап», «Суперблиц», «Тақырыпты анықта». Балалар қызықты тапсырмалар орындап, түрлі сұрақтарға жауап берді. Ойын өте көңілді, әділ өтті. Балалар белсенділік танытып, барлығын шапшаң орындауға тырысты. Әр дұрыс жауап үшін командаларға 1 ұпай беріліп отырды.