Орталық балалар кітапханасының қызметкерлері француз ақыны Ш.Перроның 395 жылдығына орай «Ш.Перроның сиқырлы әлемі» атты әдеби ойын ұйымдастырды.
Жүргізуші балаларды ақынның өмір жолымен, сондай-ақ шығармашылығымен таныстырды. Аталмыш шараға сонау ертегілер елінен ат терлетіп Қызыл Телпек пен Мейірімді сиқыршы қонаққа келді. Ертегі кейіпкерлері балалармен түрлі қызықты ойындар өткізді. Балалар ертегі кейіпкерлерімен алыс сапарға шығып, «Ертегіні ата», «Пошта», «Сіз бізге, ал біз Сізге», «Табылған заттар бюросы» сынды бекеттерге тоқтап, ондағы қызықты тапсырмаларды орындады. Шара соңында күн тәртібіне сай жасақталған «Ең сүйікті ертегіші» атты кітап көрмені тамашалады.
Балалар саяхат жасап, түрлі қызықты тапсырмалар орындап, ойындар ойнап,үйлеріне көңілді күймен тарқасты.